2231. மாக் கடல் பெருங் கலம் காலின் மாறு பட்டு
ஆக்கிய கயிறு அரிந்து ஓடி எங்கணும்
போக்கு அறப் பொருவன போன்று தீப்படத்
தாக்கின அரசுவாத் தம்முள் என்பவே
விளக்கவுரை :
2232. விடு சரம் விசும்பிடை மிடைந்து வெய்யவன்
படுகதிர் மறைந்து இருள் பரந்தது ஆயிடை
அடு கதிர் அயில் ஒளி அரசர் மாமுடி
விடுகதிர் மணி ஒளி வெயிலின் காய்ந்தவே
விளக்கவுரை :
[ads-post]
2233. பூண் குலாம் வனமுலைப் பூமி தேவி தான்
காண்கலேன் கடியன கண்ணினால் எனாச்
சேண் குலாம் கம்பலம் செய்யது ஓன்றினால்
மாண் குலாம் குணத்தினால் மறைத்திட்டாள் அரோ
விளக்கவுரை :
2234. கலைக் கோட்ட அகல் அல்குல் கணம் குழையார் கதிர் மணிப் பூண்
முலைக் கோட்டால் உழப்பட்ட மொய்ம் மலர்த் தார் அகன் மார்பர்
மலைக் கோட்ட எழில் வேழம் தவநூறி மதயானைக்
கொலைக் கோட்டால் உழப்பட்டுக் குருதியுள் குளித்தனரே
விளக்கவுரை :
2235. மண மாலை மடந்தையர் தம் மெல் விரலால் தொடுத்து அணிந்த
இணர் மாலை இரும் குஞ்சி ஈர்ங் குருதிப் புனல் அலைப்ப
நிண மாலைக் குடர் சூடி நெருப்பு இமையா நெய்த்தோரில்
பிண மாலைப் பேய் மகட்குப் பெரு விருந்து அயர்ந்தனரே
விளக்கவுரை :